O perigo mortal (falso) da planta chamada Dieffenbachia
Seguramente vostede xa recibiu un ou máis correos electrónicos coma este.
Conta, en resume, os graves perigos aos que se expón quen manipula unha dieffenbachia, unha planta ornamental moi común (vexa fotografía) nas nosas casas.
Segundo o que se di no texto do correo electrónico, que probablemente lle remita algún coñecido, a dieffenchia é unha planta mortal. No caso que se relata, cóntase como un señor introduce na súa boca accidentalmente unha das súas follas, e como consecuencia, en poucos segundos, ponse en grave risco de morte.
Ademais doutros detalles, todos referidos á gravidade da vítima, tírase de documentación manipulada pero supostamente fiable (a referencia neste caso é a Wikipedia) e advírtese que un bebé que estivese en contacto con esta planta podería morrer nuns dez minutos.
Coa coñecida petición de difusión da mensaxe, esta cadea de rumores infundados pero cribles, hoax, asegura e multiplica a difusión por todo o mundo.
Segundo, precisamente a Wikipedia, nada máis lonxe da verdade.
A dieffenbachia é unha planta de orixe tropical, que se usa como planta de interior en Galicia.
En canto á toxicidade, en caso de mastigar unha das súas follas, poderían darse algúns casos con molestias leves, descríbese ardor estomacal ou eritema, sempre temporais.
Molestias sempre leves, en resume, que, sen embargo, semellans ser suficientes para que os propagadores de bulos e rumores gocen e se aproveiten da confianza que pode xerar que nos chegue á caixa do corrreo electrónico unha mensaxe (falsa) tan inxénua coma este.
Un rogo, se chegamos a tempo de avisalo, non sacrifique a súa dieffenbanchia.
Pode estar seguro; a dieffenbachia é inocente!
 |
Comparte en.
Imprimir.
COMENTARIOS ENVIADOS