As Covas do Castro
Na veiga do meu bisavó hai un outeiro no que se poden ver unhas covas chamadas as Covas do Castro. Di a lenda que hai moitos anos ninguén se atrevía a entrar nelas porque dicían que quen entraba alí xa non volvía saír.
Uns homes fixeron unha proba para ver se era certo: atáronlle unha corda moi longa a un can moi fiel e metérono dentro das covas. Despois, ao ver que o can deixara de facer forza, sacaron a corda e non atoparon nada atado a ela.
Esperaron dous días a ver se saía, pero o can non aparecía por ningures, cerraron as entradas ás covas con pedras para que así ninguén entrara nelas.
[Recompilado pola alumna Débora Fariña, do CEIP Santo André de Xeve, Pontevedra, da súa nai, Patricia de Santa María]
BIBLIOGRAFÍA
Comparte en.
Imprimir.
