Sabía que son agoiro ou aviso de morte...
► Cando a facha(luz ou vela) sae da pía da auga bendita e cae nunha finca, morre o dono da casa á que pertence a finca ou algún familiar.
► Cando as campás laian ou choran, morre xente.
► Cando ouvea un can vai morrer alguén.
► Se a galiña canta coma o galo anuncia que vai morrer alguén da casa.
► Se o moucho ou a coruxa cantan ó pé dunha casa anuncian que vai morrer alguén na casa.
► Se te morde un alacrán, busca viño e busca pan que mañá te enterrarán.
► Se te morde unha donicela, busca viño e busca vela que mañá che darán terra.
► Se te esperta un paxaro a petar no vidro da ventá vai morrer alguén preto. E se entras nun sitio e cheira a flores ou cera, e non hai velas nin flores por ningures algun enfermo vai morrer.[Enviado por María J. Sanjiao, de Ducío, Arcos de Furcos, Cuntis]
► Na parroquia de Arcos de Furcos, en Cuntis, cando morre un cura nado na parroquia, doce veciños van detrás antes de que faga o ano.[Enviado por María J. Sanjiao, de Ducío, Arcos de Furcos, Cuntis]
BIBLIOGRAFÍA
Comparte en.
Imprimir.
COMENTARIOS ENVIADOS
E se entras nun sitio cheira a flores ou cera ardendo e non hai velas nin flores por ningures algun enfermo vai morrer.