CONTA ÁLVARO CUNQUEIRO: Torralba do Ulla
CONTA ÁLVARO CUNQUEIRO que Torralba do Ulla se mergullou por amor. O amante marchou á guerra e deixoulle á amada un encanto: un espello no que o vería chorando se morría ou se namoraba doutra. A moza espiaba todos os días no espello e un día viu o mozo chorando.
Morrera ou botara outra moza? O espello non precisaba cal era a resposta; só bágoas.
A moza, no desespero, rompeuno. E de cada anaco do espello naceu unha fonte, e de cada fonte un río, e a cidade de Torralba somerxeuse e desapareceu baixo as augas. Torralba do Ulla tiña tres torres e unha igrexa de Santiago, con un apóstolo de ouro que falaba.
Non precisa don Álvaro a xeografía terreal desa cidade.
BIBLIOGRAFÍA
Comparte en.
Imprimir.
