Actualizado en data 26/03/2024

rss
facebook
twitter
mouraGaliciaEncantada
mouraGaliciaEncantada

A batalla da fin do mundo

Unha das preocupacións do ser humano é saber por adiantado cando será a fin de mundo. Xa superamos con ben e amplamente a que aseguraba que se había producir o ano 2000, predición baseada nun suposto anuncio que fixo Xesús Cristo no momento de expirar: “Aí te quedas mundo, para mil e tantos anos que a dous mil non chegarás”.

Hai moitas outras prognósticos que falan dos sinais que o anunciarán. Os astros e as estrelas andarán sen rumbo e cambiarán de lugar. Virán pestes, guerras, fames, secaran as fontes e as plantas, non nacerán criaturas nin de animais nin de persoas, padeceremos enfermidades descoñecidas, choverá sangue.... ata concluír nun diluvio de lume, a imitación do mítico de auga do pasado, que prenderá un incendio abrasador en toda a Terra.

Amais disto, por se fose pouco, haberá unha gran batalla que terá lugar, segundo puido saber Vicente Risco, no monte Faro, en Chantada. Será un guerra de nenos e mulleres, daquela xa non haberá homes, que será réplica da que libraron no mesmo lugar os mouros. As armas que usaron naquel entón quedaron soterradas nun lugar oculto e serán as que se usen na batalla final no monte Faro.

Neste monte atópase o santuario da Virxe do Faro e dise que é onde está agachado un tesouro dun rei mouro que había no castro Morgadán en Carballedo.

BIBLIOGRAFÍA


Comparte en.

Facebook Twitter Email

Imprimir.

PDF Online

COMENTARIOS ENVIADOS

Me parece increíble esta leyenda, la utilizaré para un proyecto escolar.

Enviado por Alba o 19/11/2022 ás 14:11:18


Enviar comentario a este artigo: