NOTA:
Esta lenda contóunola meu pai (que era de Lourizán, parroquia do concello de Pontevedra máis próxima a Marín) a min e a miña irmá cando éramos uns nenos. Dixo que fora a súa nai quen lla contara a el e tamén lle dixo que lla contaba para que cando tivese fillos nola contase, e que nos avisase que, cando fóramos pais, tamén tiñamos que contárllela aos nosos fillos, e así duns a outros non se perdería a lenda.
A verdade é que rimos moito coa historia e, por suposto, nunca vimos a serea. Pero, aínda que agora xa non existe, lémbrome da cova que había nas rochas desa praia; a miña irmá e máis eu temos entrado nela por se aínda vivía alí a serea.