Fonte do Eume
A fonte onde nace o río Eume, na aba da Serra do Xistral, está na parroquia de Montouto, concello de Abadín (Lugo).
»Outra vez iban co gado e tamén estaban aló na Veiga do Real, onde houbera o pueblo, aló na beira deste río que baixa, o río este nace arriba da Veiga do Real, chámanlle o Xistral, chámanlle a Fonte do Xistral onde nace ese río, o río Eume.
E tamén, xa ora, que estaban as señoras peinándose, encantos lles chamaban, na beira daquel río, que estaban alí señoras peinándose, chamábanlles encantos; salirían daquel pueblo ou que sei eu.
Alí abaixo, peinándose e..., peinándose na beira do río e diz que tiñan un cadelo, un cerruliño e diz que lles pillaba as ovellas e mandábaas a un pozo que había alí de auga no Real, chamábanlle o Real.
—¿Un cadelo que tiñan os encantos?
—Si, un cerrulo, moi guapo. Dicíano os que iban co gado, os vellos, vamos, os vellos».
BIBLIOGRAFÍA
Comparte en.
Imprimir.
COMENTARIOS ENVIADOS