Teresa da Creería, a panadeira dos mouros
Na Pena Rubia, en Vilisome, San Estevo de Anllo, Sober (Lugo) vivían os mouros.
O pan facíallelo unha muller de Bordelle chamada Teresa da Creería e cóntase que unha vez, mentres ela amañaba para cocer, os mouros foron buscar leña para o forno e quedou soa na casa.
Os mouros deixaron unha ola no lume e rogáranlle á panadeira que non mirase o que había dentro. Pero ela mirou e viu que dentro da pota había unha caveira cos pelos requichados.
A panadeira colleu medo e botou a correr pola ribeira arriba cara á súa casa. Daquela regresaban os mouros coa leña e ao vela correr berrábanlle:
-¡Teresa da Creería, vulva polo crecente e pola pineira!
E ela contestáballes:
-¡Non volverei eu non, anque de ouro se volvera!
[Ilustración de Noemí López]
 |
BIBLIOGRAFÍA
Comparte en.
Imprimir.
