A corriza
Contaba o meu avó que debaixo dunha pena nunha campa enriba de Vilarello de Donís, concello de Cervantes (Lugo), había un encanto.
Parece que uns rapaces puxéronse a escaravellar por debaixo da pena e foron indo ata que sentiron unha voz que procedía do interior e que dicía:
—¡Fáltame sal,
que carne teño bastante!
¡Claro, ó sentiren aquelo, trotaron! Viran saír coma unha corriza, coma unha luria envolta que botou polo regueiro abaixo. Dixo o meu avó que eles saíron correndo e non souberan máis nada.
[Texto remitido por José María Carricoba Armesto, Lugo]
BIBLIOGRAFÍA
Comparte en.
Imprimir.
