Actualizado en data 26/03/2024

rss
facebook
twitter
mouraGaliciaEncantada
mouraGaliciaEncantada

Ritos, obxectos, crenzas varias..

CATEGORÍAS RELACIONADAS

Nacidas (Responso para os animais)

(Coa cota dun coitelo facer cruces no animal, ao tempo que se vai dicindo a oración)

Couto collo con ferro e aceiro,

quítocho dos ósos e bótocho na carne,

e quítocho da carne e bótocho no coiro,

e quítocho do coiro e bótocho no pelo

e quítocho do pelo e bótocho no ferro,

e o ferro cravalo no chao.

Con perdón de Dios e da Virgen María,

un padrenuestro e unha Ave María.

(Repetilo tres veces)

Recollido de Dolores Sánchez Sánchez, nacida en Barallobre, Carballo, concello de Friol (Lugo) en 1914 e falecida en Lugo en 2011. Exerceu de menciñeira moitos anos, e foi moi recoñecida en toda a bisbarra, en especial pola súa man e pola eficacia do responso contra as nacidas do gando tanto na xente como nos animais.

Chámase nacidas (carbunco, lobado) a unha enfermdiade infecciosa provocada polo bacillus anthracis que padece o gando vacún e ovino. Esta doenza pódese transmitir aos humanos que teñen contacto con animais enfermos.


Comparte en.

Facebook Twitter Email

Imprimir.

PDF Online

Enviar comentario a este artigo: