Boedo
Boedo estaba, e está mergullada, en Lagostelle, no concello de Guitiriz (Lugo). Unha vez que pasou por alí a Sagrada Familia pedindo esmola nin un só veciño llela quixo dar. Ata o zapateiro, por sacalos de diante, lles arrebolou a forma.
Cando chegaron á casa de Barreiro, a máis pobre do lugar, o problema era ben diferente.
— De boa gaña lles darían de comer, mais non teño nada que lles dar.
—Señora —díxolle a Virxe— amase a cinsa da lareira!
—Como di!
—Amase a cinsa da lareira!
—Pero...non vai ligar!
—Amase, amase; fágame caso.
A señora amasou, enfornou e coceu. E cando probaron resultou que aquela cinsa sabía coma o pan do mellor trigo.
—É tan verdade —dixo a Virxe— que esa torta está cocida, e que é de trigo, como que a cidade de Boedo está mergullada.
E era verdade.
Ilustración: Noemí López, Guía ilustrada da Galicia invisible, Xerais, 2010.
BIBLIOGRAFÍA
Comparte en.
Imprimir.
