As fontes de Celas
Na fonte do Cabo, en Vinseira Pequena, parroquia de Celas de Peiro, concello de Culleredo (A Coruña), di a xente que a auga é boa para curar doenzas dos ollos; por iso aínda hoxe vén xente ás tardiñas buscar desta auga para curacións.
Moi perto da do Cabo, na fonte de Xesto, tamén recollen auga que disque é boa para que beban os enfermos do ril.
No lugar de Peiro, na fonte de Peiro, unha fonte monumental moi antiga, disque se se leva un animal enfermo e se baña na fonte unha noite de lúa chea, mellora.
[Información recompilada pola alumna Rocío Gómez Domínguez do colexio Tarrío, Culleredo (A Coruña) no curso 2000-2001 ao realizar un estudo das fontes de Culleredo baixo a dirección dos profesores Francisco Arturo Pita Fernández, Esperanza Monasterio Álvarez e Aurelio Solla Monteagudo]
Comparte en.
Imprimir.
