Actualizado en data 21/11/2019

rss
facebook
twitter
mouraGaliciaEncantada
mouraGaliciaEncantada

Literatura oral

Ditos para arredar os nenos

Son mutias as expresiois que a xente emprega para arredar os rapaces ou para tomarlles o pelo, aproveitando a súa inxenuidade e o esaxerado respecto que nalgún tempo tiñan polas persoas maiores.
Quen non lembra que o afastasen dunha conversa de maiores dicíndolle: “Rapás, vai mirar como mexan as pitas" ou "Vai capar o grilo".
En terras de Cuntis entre os rituais de iniciación no oficio de canteiro era común mandar ao aprendiz: "Morrón, vaime buscar a pedra de afiar as agullas". Tamén en Cuntis teño escoitado dicirlle a un neno con falso enfado: "Así que foches ti o que lle roubou as ferraduras ao can do cura!" o que sempre me fai lembrar unha frase que me teñen dito de neno en Navia de Suarna: “Nenín, foche tu o que lle plantou lume á fonte de Cachán?
A o que sempre contestábamos asustados, pois a conciencia do ben e do mal nunca está de todo tranquila: "Non, de verdade que eu non fun!
En ocasiois teño ouvido rapaces que lle botaban a culpa a outro.

[Enviado por Marcos Seixo Pastor, natural de Navia de Suarna (Lugo) e residente en Cuntis (Pontevedra)]


Comparte en.

Facebook Twitter Email

Imprimir.

PDF Online

Enviar comentario a este artigo: