O xogo do avión
Antigamente nos velorios facíanse xogos como este.
Entre tres rapazas postas de pé collían un mozo, dúas por diante e unha por detrás e suspendíano no aire para que fixese o corpo do avión. As de diante collíano polos brazos e a de detrás, que facía de cola, apoiaba as pernas do mozo nos ombros e atábanlle un cordel polos nocellos. Cando o avión estaba listo para o despegue viña unha cuarta moza e afrouxáballe o cinto, baixáballe o pantalón e facíalle cóxegas.
O mozo tiña que menear as pernas o que provocaba que a moza que facía de cola acabase meténdolle os fociños no cu. Ese era o chiste deste xogo.
BIBLIOGRAFÍA
Comparte en.
Imprimir.
