CATEGORÍAS RELACIONADAS
En figura de militar
Na Porta do Mouro, no Crasto, en Melide, uns foron ver de desencantar un tesouro. Cando pronunciaron o esconxuro, saíu unha voz de penedo que lles preguntou:
—De que forma queredes que saia?
E un dos presentes que acababa de volver do servizo, respondeu:
—En forma de militar!
E presentouse un soldado moi grande, tanto que a cabeza pasaba por enriba dos outeiros máis altos. E ademais negouse a darlles os cartos se non lle levaban un año branco sen mancha ningunha.
E como se puxeron a discutir, veu un trono que apagou as luces e nesas despareceu o xigante.
BIBLIOGRAFÍA
Comparte en.
Imprimir.
