Actualizado en data 26/12/2017

rss
facebook
twitter
mouraGaliciaEncantada
mouraGaliciaEncantada

Ritos, obxectos, crenzas varias..

CATEGORÍAS RELACIONADAS

Unha misa na noite

No Vilar das Ameixeiras, parroquia de San Vicente de Aro, en Negreira (A Coruña) un labrego voltaba á noite cara a súa casa, logo de pasar varias horas moendo millo no muíño do lugar.
Ao cruzar por diante da igrexa, viu que a porta estaba entreaberta e que dentro había lus. Como tamén sentiu como unha letanía, entrou. Ollou entón a un crego dando misa e a varios fregueses atendendo, todos de costas a el. Era ben estraño un oficio a tales horas, pero o home decidiu quitar a boina e sentar no último escano.
De súpeto, todos os presentes deron volta cara a el, e o paisano ficou aterrado ao comprobar que diante súa non había senón esqueletes, o crego incluido.
Á mañá seguinte, os veciños atopárono esbroado no adro da igrexa, medio ido e esbardallando. Non se sabe se recuperou ben o tino, pero si que puido contarlle a historia a un seu amigo.

[Texto remitido por Serxio González Souto, Vilagarcía de Arousa, Pontevedra]

BIBLIOGRAFÍA


Comparte en.

Facebook Twitter Email

Imprimir.

PDF Online

Enviar comentario a este artigo: